Россияда төрт кыргыз  жараны жол кырсыгына кабылды

Россиянын Оренбург облусунда эки кичи автобус катышкан жол кырсыгы катталып, бир адам каза тапты. Бул туурасында орус басылмалары жазып чыкты.

Кырсык 16-июнда эртең менен болгон. Кыргызстанда катталган Hyundai кичиавтобусунда 8 адам бара жаткан. «Газель» унаасында Россиянын 3 жараны болгон - улгайган жубайлар небереси менен. 

Жол кырсыгынын кесепетинен Кыргызстандын 4 жараны жабыркаган. Экөө ооруканага жеткирилсе,  айдоочу жеңил жаракат алгандыктан, дарыгерлерге көрүнүүдөн баш тарткан. Төртүнчү адамдын абалы кандай экени тууралуу белгисиз. 

«Газель» унаасындагылардан экөө ооруканага жаткырылып, чон атасы каза болгон. Алдын-ала маалыматка караганда, кыргызстандык айдоочу рулду башкара албай калып, каршы тилкеге чыгып, маңдайда келаткан унааны сүзгөн.